© Photo: Úkimet basshysynyń baspasóz qyzmeti
Densaýlyq saqtaý ministri Ajar Ǵiniiat Qazaqstanǵa qyzylsha aýrýy qai elderden kelgenin aitty, dep habarlaidy Sputnik Qazaqstan.
Ministrdiń aitýynsha, qazir qyzylsha kóptegen elde, sonyń ishinde Qazaqstanda da tarap jatyr.
"Biyl eki myńǵa jýyq bala qyzylshamen aýyrdy, kóbi - ekpe almaǵandar. Aýrý syrttan keldi. Balalar alys-jaqyn elderge demalýǵa baryp, infektsiiany sol jaqtan juqtyryp kelgen, osydan keiin el ishindegi qorǵalmaǵan balalar da juqtyrdy.
Jyl basynda alǵashqy jaǵdailar Túrkiia, Reseiden oralǵan balalarda tirkeldi. Al qazir biz qyzylshamen syrqattanýshylyq ósip bara jatqanyn baiqap otyrmyz", - dedi Ǵiniiat Úkimet kýlýarynda.
Onyń sózinshe, infektsiialyq aýrý jappai taralmas úshin dárigerler aqparattyq-túsindirý jumystaryn júrgizip jatyr. Aq halattylar qyzylshadan ekpe alýdyń mańyzyn eske salyp, aýrý balalarmen, olarmen bailanysta bolǵan jandarmen jumys isteidi.
