© Photo: ٷكٸمەت باسشىسىنىڭ باسپاسٶز قىزمەتٸ
دەنساۋلىق ساقتاۋ مينيسترٸ اجار عينييات قازاقستانعا قىزىلشا اۋرۋى قاي ەلدەردەن كەلگەنٸن ايتتى, دەپ حابارلايدى Sputnik قازاقستان.
مينيستردٸڭ ايتۋىنشا, قازٸر قىزىلشا كٶپتەگەن ەلدە, سونىڭ ٸشٸندە قازاقستاندا دا تاراپ جاتىر.
"بيىل ەكٸ مىڭعا جۋىق بالا قىزىلشامەن اۋىردى, كٶبٸ - ەكپە الماعاندار. اۋرۋ سىرتتان كەلدٸ. بالالار الىس-جاقىن ەلدەرگە دەمالۋعا بارىپ, ينفەكتسييانى سول جاقتان جۇقتىرىپ كەلگەن, وسىدان كەيٸن ەل ٸشٸندەگٸ قورعالماعان بالالار دا جۇقتىردى.
جىل باسىندا العاشقى جاعدايلار تٷركييا, رەسەيدەن ورالعان بالالاردا تٸركەلدٸ. ال قازٸر بٸز قىزىلشامەن سىرقاتتانۋشىلىق ٶسٸپ بارا جاتقانىن بايقاپ وتىرمىز", - دەدٸ عينييات ٷكٸمەت كۋلۋارىندا.
ونىڭ سٶزٸنشە, ينفەكتسييالىق اۋرۋ جاپپاي تارالماس ٷشٸن دەرٸگەرلەر اقپاراتتىق-تٷسٸندٸرۋ جۇمىستارىن جٷرگٸزٸپ جاتىر. اق حالاتتىلار قىزىلشادان ەكپە الۋدىڭ ماڭىزىن ەسكە سالىپ, اۋرۋ بالالارمەن, ولارمەن بايلانىستا بولعان جاندارمەن جۇمىس ٸستەيدٸ.
