Qazaqstandaǵy Dúniejúzilik densaýlyq saqtaý uiymy keńsesiniń basshysy Oleg Chestnov elimizdegi epidemiologiialyq qadaǵalaý deigeiine baǵa berdi, dep habarlaidy "Ult aqparat".
«Ekonomikalyq turǵydan biz áli damyǵan elderdiń deigeiine jetken joqpyz. Alaida epidemiologiialyq qadaǵalaý deńgeii boiynsha biz óte qýatty júieni qura bildik», - deidi spiker Astanada ótken sýbóńirlik seminarda.
Onyń aitýyna qaraǵanda, epidemiologiialyq qadaǵalaý - ulttyq qaýipsizdik deńgeiindegi ótkir máselelerdiń biri.
«Sebebi, jaǵdai epidemiia nemese pandemiia satysynda bolýy múmkin. Shyntýaitynda, qus tumaýy Qazaqstanǵa kirgizilmei toqtatyldy. Sebebi, Qazaqstanda epidemiologiialyq qadaǵalaý boiynsha eń úzdik mamandar jumys isteidi. Ol mamandar Qazaqstannyń laborotoriiasyn jaqsy qoldana bilýde», - deidi DDSU ókili.
Onyń aitýynsha, dárigerler men veterinarlar adamdar men janýarlardyń ómirine birdei qaýipti juqpalarmen óz-ózdigimen kúrespei, kúsh biriktirýi kerek.
«Qazaqstan aýyl sharýashylyǵyna den qoiǵan memleket bolǵandyqtan, mundaǵy veterinariia dárigerlermen birge halyqty qorǵai alatyndai dárejede jumys istep jatyr», - deidi Oleg Chestnov.
Aita keterligi, Dúniejúzilik janýarlardyń densaýlyǵy uiymy Dúniejúzilik densaýlyq saqtaý uiymymen birge tuńǵysh ret Ortalyq Aziia men Eýropa elderi úshin adamdardyń da, janýarlardyń da ómirine qaýipti brýtsellez, ehinokokkoz jáne qutyrý aýrýlarynyń aldyn alý boiynsha sýbóńirlik keńes ótkizýde.
