Reseilikterdiń elimizge údere kóship jatqany halyqty qatty alańdatyp otyr. Májilismen Berik Dúisembinov osy jaǵdaiǵa qatysty «Aq jol» fraktsiiasynyń depýtattyq saýalyn jariialady, dep habarlaidy "Ult aqparat".
"Qazaqstan qai zamanda da qysym kórip, óz elinen qashyp, bosqyn bolýǵa májbúr bolǵan talai halyqty óz basyndaǵy qiynshylyqtarǵa qaramastan, qushaq jaia qarsy alyp, aman alyp qalǵanyna tarih kýá. Qazaqstan Respýblikasy órkenietti el retinde, Resei shekarasynan elimizge bas saýǵalap, soǵystan qashqan Resei azamattaryna taǵy da pana boldy.
Ishki ister ministrliginiń keshegi aqparaty boiynsha, bul gýmanitarlyq daǵdarys kezinde Qazaq eline Reseiden 200 myń adam kelgen, 140 myń adam elimizden shyqqan. Al, 30-qyrkúiekte «Forbs» jýrnalynda jariialanǵan Eńbek jáne áleýmettik qorǵaý ministrliginiń málimeti boiynsha, jalpy búginde elimizde 350 myń Resei azamaty turaqty turyp jatyr. Ótken aptadaǵy kóship kelýshilerdiń basym kópshiligi Astana men Almatyǵa, shekaralas oblys ortalyqtaryna ornalasyp jatyr. Onsyz da ishki migratsiianyń saldarynan turǵyndarynyń sany kúrt ósken úlken qalalarymyzǵa infrastrýktýralyq jáne áleýmettik-ekonomikalyq qysym artyp otyr" - dedi Dúisembinov Úkimet basshysy Álihan Smaiylovtyń atyna joldaǵan saýalynda.
Onyń paiymynsha, ásker jasyndaǵy reseilik azamattardyń bizdiń elimizge jappai qonys aýdarýy búgingi postkeńestik ýshyqqan geosaiasi jaǵdaida halqymyzdy qatty alańdatyp otyr.
"Elimizdiń basty bailyǵy – ol Táýelsizdigimiz, jer tutastyǵymyz, eldiń amandyǵy men halqymyzdyń beibit ómiri. Ártúrli sebeptermen bizdiń elimizge qonys aýdarýǵa májbúr bolǵan shetel azamattarynyń arasynan búgin Qazaqstan óndirisinde qajet, jetispeitin tehnikalyq, IT salasynyń jáne t. b. mamandar óz oryndaryn taýyp, el ekonomikasyna paidasyn tigizip, bir kirpish bolyp qalansa, oǵan biz biznes partiiasy retinde túsinistikpen qaraimyz.
Alaida, olar Qazaqstan Respýblikasynyń Konstitýtsiiasy men zańdaryna qaltqysyz baǵynýǵa, tilimiz ben salt-dástúrimizdi qurmetteýge mindetti. Sondai-aq, migratsiialyq daǵdarysty paidalanyp, el ishin arandatýshylardyń is-áreketterine de tosqaýyl qoiylýy tiis" - dedi depýtat.
Dúisembinovtiń sózine qaraǵanda, qazirdiń ózinde elimizdiń keibir aimaqtarynda arandatý oqiǵalary baiqalyp otyr.
"Qylmystyq ister qozǵap, arandatýshylardyń aldyn shuǵyl alyp jatqan quzyrly memlekettik organdarǵa rizashylyǵymyzdy bildiremiz. Osy oraida, aldymen, Qazaqstanda qansha Resei azamattary bar ekenin naqtylap, jaýap berýińizdi suraimyz.
Sondai-aq, «Aq jol» partiiasy Úkimet jedel túrde tiisti saqtyq sharalaryn qabyldap, múddeli memlekettik organdarǵa tómendegidei tapsyrma berýi tiis:
- birinshiden, kóship kelýshilerdiń Qazaqstanda qalýǵa niet bildirgen azamattary úshin; qalalar men eldi mekenderde beiimdeý ortalyqtaryn ashyp, bul ortalyqtarda olarǵa:
- Qazaqstan tarihymen, mádenieti men turmys-saltymen, salt-dástúri men ádet-ǵurpymen tanystyrý; Qazaqstan Respýblikasynyń Konstitýtsiiasy men zańdaryn túsindirip, quqyqtyq keńes berý; qazaq tili kýrstaryn ashý jáne árbir kóship kelgen shetel azamatyn beiimdeý ortalyǵynan ótýge mindetteý;
- ekinshiden, árbir qonys aýdarýshynyń qos azamattyq faktisi boiynsha tekserý jáne nátijesi boiynsha tiesili quqyqtyq shara qoldaný;
- úshinshiden, aqparattyq qaýipsizdikti qatań baqylap, iaǵni, áleýmettik jelilerge, kelýshilerdiń chattaryna kontent saraptama (Facebook, Tik-Tok, Telegram, Instagramm, Vkontakte i t. b.) men monitoring júrgizip, ulttyq qaýipsizdikke qaýip tóndiretin jáne memleketimizdiń jer tutastyǵyna, táýelsizdigimizge kúmán keltiretin jazbalardyń avtorlaryn erekshe qadaǵalaýǵa alyp, ondai iritki salýshylardy qatań jaýapkershilikke tartyp, olardy elden shuǵyl alastaý qajet dep sanaidy.
Iá, sońǵy kezderi qoǵamda shekarany jabý týraly usynystar jii aitylýda. Eń aldymen, mundai sheshimge barýǵa memleketimizdiń halyqaralyq kelisimderi kedergi. Sonymen qatar biz qolyna qarý ustaýdan bas tartqan reseilikterdi qabyldai otyryp, soǵysqa qatysýshylardyń sanyn azaityp, osy arqyly elimiz beibitshilik úshin úles qosty dep esepteimiz.
Bul migratsiialyq daǵdarys ári qarai árqily damýy múmkin. Osy oraida, ulttyq múddemizge qaýip tónetin bolsa, bizdiń memlekettik organdar qabyldanatyn tiisti sharalardyń birneshe nusqasyn aldyn-ala ázirlep, kez-kelgen jaǵdaiǵa daiyn bolý kerek dep sanaimyz" - dep túiindedi depýtat.
