Air Astana áýe kompaniiasy baspasóz qyzmeti Qazaqstan Respýblikasynda koronavirýs infektsiiasynyń taralýyna jol bermeý jónindegi vedomstvoaralyq komissiianyń sheshimine sáikes, 2022 jyldyń 15 qańtarynan bastap Qazaqstanǵa kirýdiń jańa erejeleri engiziletinin málimdedi, dep habarlaidy QazAqparat.
Qujatqa sáikes, Qazaqstanǵa shetelden ushyp keletin barlyq jolaýshylar (sonyń ishinde vaktsina alǵandar) COVID-19 teris nátijesin kórsetetin PTR anyqtamasyn usynýy tiis.
Anyqtama material synamasy alynǵan kúnnen bastap Qazaqstan Respýblikasynyń shekarasynan ótken sátke deiin 72 saǵat boiy jaramdy bolyp sanalady jáne aǵylshyn, orys nemese qazaq tilinde jazylyp berilýi tiis.
Atalǵan anyqtama bes jasqa tolmaǵan balalarǵa ǵana berilmeidi.
COVID-19-ǵa PTR synamasynyń teris nátijesi bolmaǵan jaǵdaida jolaýshylar, sonyń ishinde Qazaqstan azamattary jáne Qazaqstan aýmaǵynda turýǵa yqtiiarhaty bar adamdar ushý áýejaiynan bortqa jiberilmeidi.
