Táýelsizdik jyldarynda elge 670 mlrd AQSh dollarynan astam tikelei sheteldik investitsiia tartyldy. Bul týraly QR Ulttyq ekonomika vitse-ministri Álisher Ábdiqadyrov aitty, dep habarlaidy QazAqparat.
«Birinshi jartyjyldyq qorytyndysy boiynsha Qazaqstanǵa sheteldik tikelei investitsiiasynyń aǵyny 11,1 mlrd dollardy qurap, byltyrǵy deńgeiden 30 paiyzǵa joǵary boldy. Elder arasynda investitsiialar kóbine Niderlandydan tartyldy. Biylǵy jarty jylda osy eldiń úlesi 29,6 paiyz boldy. Ekinshi orynda 18,8 paiyz kórsetkishpen AQSh tur. Odan keiingi oryndarda Shveitsariia, Resei, Ulybritaniia», - dedi QR SIM Investitsiialar komiteti tóraǵasynyń orynbasary Erlan Zeineshev Ortalyq kommýnikatsiialar qyzmetinde.
Óz kezeginde QR Ulttyq ekonomika vitse-ministri Álisher Ábdiqadyrov Táýelsizdik jyldarynda elge 670 mlrd AQSh dollarynan astam tikelei sheteldik investitsiia tartylǵanyn aitty.
«Birinshi orynda 200 mlrd dollar kórsetkishpen Niderlandy, al ekinshi orynda 90 mlrd dollarǵa jýyq somada AQSh, sondai-aq úshinshi orynda 55,8 mlrd dollar kólemdegi qarjymen Shveitsariia tur», - dedi Á. Ábdiqadyrov.
