Foto: polisia.kz
Qostanaida internet-alaiaqtyqqa qatysy bar sheteldik azamat tutqyndaldy, - dep habarlaidy Ult.kz Polisia.kz-ke silteme jasap.
Qostanai oblysynda politsiia qyzmetkerleri Ulttyq qaýipsizdik komiteti departamentimen jáne oblystyq prokýratýramen birlese otyryp, sim-bokstardyń zańsyz qyzmetiniń jolyn kesý boiynsha arnaiy operatsiia ótkizdi. Rýdnyida júrgizilgen jedel is-sharalar barysynda kórshi memlekettiń azamaty ustaldy.
"Tekserý nátijesinde onyń Qazaqstanǵa alaiaqtyq áreketter jasaý maqsatynda arnaiy kelgeni anyqtaldy. Jedel ýákilder kúdiktiniń jalǵa alǵan páterin tintý barysynda qylmystyq áreketterdi júzege asyrýǵa arnalǵan qural-jabdyqtardy tapty. Onyń ishinde virtýaldy abonenttik nómirlerdi tirkeýge paidalanylǵan SIM-boks qurylǵysy, internet-marshrýtizator, eki IMEI kody bar uialy telefon, qazaqstandyq uialy operatorlardyń 1200-den astam SIM-kartasy, segiz banktik karta jáne aviabiletter tárkilendi", - delingen habarlamada.
Kúdikti SIM-boksty basqarý úshin Telegram messendjeri arqyly belgisiz "kýratorlardan" nusqaýlar alyp otyrǵany anyqtaldy.
"Ol osy áreketteri úshin kún saiyn 200 AQSh dollary kóleminde syiaqy alǵan. Qazirgi ýaqytta bul fakt boiynsha sotqa deiingi tergeý amaldary júrgizilip jatyr. Ustalǵan azamat Rýdnyi qalasy politsiia basqarmasynyń ýaqytsha ustaý izoliatoryna qamaldy. Eger onyń kinási dáleldense, ol Qazaqstan Respýblikasynyń zańnamasyna sáikes eki jylǵa deiin bas bostandyǵynan aiyrylýy múmkin".
