Sinoptikter 2019 jylǵy 21-23 aqpan aralyǵyna arnalǵan aýa raiy boljamyn jariialady, dep habarlaidy "Ult aqparat".
Qazgidromettiń aqparatyna súiensek, kóktemge tán barikalyq ózgerister aqpan aiynda-aq baiqalady. Ótken táýlikte qarly boranyn ala kelip, Qazaqstannyń kóptegen oblysynda batystan kúshti jel soǵýyna sebepshi bolǵan tsiklon Batys Sibirdiń ońtústigine qarai jyljyp barady. Onyń ornyna Reseidiń Eýropalyq bóliginiń ońtústik-batys aýdandarynan antitsiklon jyljyp keledi, ol jaýyn-shashyndy toqtatyp, kúnniń sýytýyna sebep bolady.
Biraq ol uzaqqa sozylmaidy. Qazaqstanǵa kezekti jaýyn-shashyn men jylýyn ákeletin kelesi Atlantikalyq tsiklon qalyptasyp jatyr.
