QR Energetika ministrligi qýat kózderin tutyný kóleminiń artýyna bailanysty osy máseleni jan-jaqty zerdelep shyqty. Aldaǵy ýaqytta atom elektrstantsiiasyna úlken qajettilik bolmaidy. Degenmen, ekologiialyq qaýipsiz energetikany qurý jaǵynan atalǵan jobany iske asyrǵan jón, dep xabarlaidy QazAqparat tilshisi.
Elektrenergetika jáne kómir ónerkásibi departamenti direktorynyń orynbasary Talǵat Ábilǵazynyń aitýynsha, búginde Qazaqstannyń 2030 jylǵa deiingi energiiany tutyný kólemi esepteldi. Onda el ekonomikasynyń barlyq salalarynyń damýy, iaǵni jańa kásiporyndardyń iske qosylýy aiasynda qýat kózderin óndirý mólsherine boljam jasaldy.
"Osy boljamǵa sáikes, qazirgi elektr stansalarynyń qýaty tolyǵymen jetedi. Jańa nysandardy salýdyń qajeti joq. Sondyqtan energiiany tutyný jaǵynan atom elektrstansasyna úlken qajettilik joq. Al balamaly energetikany damytý jaǵynan ondai qurylystar qajet. Sebebi 2050 jylǵa deiin biz balamaly energiia kózderiniń úlesin aitarlyqtai ulǵaitýdy josparlap otyrmyz. Osy oraida atom kómirdi almastyra alady", - dedi Ábilǵazy búgin Astanadaǵy Energetikany retteý organdary aimaqtyq qaýymdastyǵynyń (ERRA) kezekti konferentsiiasynda.
Onyń sózine qaraǵanda, ázirshe atom elektrsansasyn salý boiynsha naqty jospar joq. Atalǵan másele jan-jaqty zerdelenip jatyr. Sebebi atom elektrstantsiiasy siiaqty nysandardyń qaldyqtary bolady.
Aita keteiik, konferentsiia kezinde jýrnalisterge suxbat bergen Talǵat Ábilǵazy kómirdiń baǵasyna qatysty túsinik berdi.
