Foto: Pexels.com
QR UQK Shekara qyzmetiniń málimetinshe, 2024 jyly bes arab elinen kelgen týrister sany 62%-ǵa ósti, dep habarlaidy Ult.kz.
- - Omannan kelgender sany 80%-ǵa artyp, 15 myńnan asty;
- - Birikken Arab Ámirlikterinen kelgen týrister 40%-ǵa kóbeiip, 14,7 myń adamǵa jetti;
- - Saýd Arabiiasynan 9 myńnan astam týrist kelgen (ósim — 47%);
- - Qatardan kelgender sany 1,5 esege artty;
- - Bahreinnen kelgender sany 4 esege artqan.
Týrister aǵynynyń ulǵaiýyna BAÁ azamattary úshin engizilgen vizasyz rejim, iri qalalar arasyndaǵy turaqty áýe reisteri jáne halyqaralyq kórmelerge belsendi qatysý yqpal etti. Bul sharalar Qazaqstannyń saiahat úshin tartymdy baǵyt retindegi imidjin kúsheitip otyr.
Aita ketsek, 2023 jyly TravelScapes basylymy Qazaqstandy Taiaý Shyǵys saiahatshylary úshin eń úzdik baǵyttardyń biri dep tanyǵan bolatyn. Biyl Oraza ait merekesinde Qazaqstan arab elderinen kelgen týrister úshin eń tanymal baǵyttardyń qatarynan kórindi.
