Qazaqstanda AES salýy múmkin 4 eldiń aty belgili boldy. «Qazaqstandyq atom elektr stantsiialary» JShS bas direktory Timýr Jántikin ortalyq kommýnikatsiialar qyzmetinde ótken brifingide Qazaqstanǵa alǵashqy AES salýy múmkin elderdiń tizimin atady, dep habarlaidy QazAqparat.
«Biz o bastan túrli tehnologiialardy qaradyq. Iaǵni, tek reseilik «Rosatom» ǵana emes. Bizde bailanystar, tiisti kelisimder bar, memorandýmdarǵa qol qoiamyz. Qytai tarabymen jaqsy joba bar. Olar «Hualong One» dep atalatyn 1000 megavattyq reaktordy eksporttap júr. Ońtústik Koreianyń ázirlegen nusqalary bar. Biz bul eldiń Korea Hydro & Nuclear Power kompaniiasymen jumys istep jatyrmyz. Olar 1000 jáne 1400 megavattyq reaktorlardy qarastyrýǵa usyndy. Byltyrdan beri Frantsiianyń «IDF» (Electricite de France) kompaniiasymen kelissóz júrip jatyr. Olardyń jańa jobasy bar, jaqsy tekserýden ótken qurylym negizinde Chehiiaǵa 1200 MVt reaktordy usynyp otyr. Árine «Rosatom» bar. Budan basqa amerikalyq eki joba bar. Olardyń reaktorlary keleshekke baǵyttalǵan. Iaǵni qazir ázirlenip jatyr. Jeke atasaq, General Electris-tiń Kanadamen kelisimi bar. Olar reaktor ornaityn alańdy da tańdap qoidy. 2028 jyly iske asyrylady. Iaǵni, bizde salynýy yqtimal alǵashqy atom stansasyna bul eki jobany ázirshe qarap otyrǵan joqpyz. Óitkeni 2028-2029 jyldardyń kókjieginde tur», - dedi maman.
Onyń aitýynsha, atalǵan amerikalyq tehnologiialar Qazaqstannyń energetika júiesine úilesimdi bolýy múmkin.
«Sonda da bul jobalar Qazaqstan úshin keleshegi bar jobalar retinde qaralýda. Óitkeni qýaty boiynsha bul reaktorlardyń bizdiń energetikalyq júiemizge jaqsy kirige alady. Qazir energetika balansyndaǵy atom stansasynyń úlesi týraly boljam bar. Biz áleýetti jetkizýshilerden generatorlardyń tehnikalyq derekterin surattyq. Osy tehnikalyq derekter boiynsha túrli modelder syzbaǵa túsedi. Olar bizdegi júiege qalai kirige alady, júie qanshalyqty ornyqty bolady, energiia qalai taratylady degen máselelerdi qaraimyz. Alǵashqy stansanyń keleshegi týraly aitsaq, 4 áleýetti jetkizýshi bar. Olar: reseilik «RosAtom», qytailyq «CNNC», koreialyq «KHNP» jáne frantsiialyq «IDF», - dedi Timýr Jántikin.
