Qazaq-qyrǵyz shekarasynda Qazaqstanǵa kele jatqan kólikten 60 keliden astam geroin tabyldy, dep habarlaidy "Ult aqparat".
QR Ulttyq qaýipsizdik komitetinen málim etkendei, 10 jeltoqsan kúni Qyrǵyzstannan Qazaqstan aýmaǵyna ótpek bolǵan «Toyota Prado» avtomashinasy tekserilgen.
Tekserý inspektsiialyq-tekserip qaraý keshenimen júrgizilgen. Sondai-aq «Djek» qyzmettik iti jumyldyrylǵan.
Nátijesinde, kólikte jasyrylǵan erekshe iisi bar aq-sur tústi zaty bar paketter tabylǵan. Tárkilengen paketter odan arǵy protsessýaldyq is-qimyldar úshin UQK Jambyl oblysy boiynsha departamentine tapsyryldy.
«11 jeltoqsandaǵy saraptama nátijeleri boiynsha tárkilengen zat salmaǵy 60 keli
370 gramm geroin ekeni anyqtaldy.
Qylmystyq kodekstiń 286-babynyń 4-bóligi boiynsha qylmystyq is qozǵalyp, tergelýde.
