video kadry
Aq úi Djo Baiden ákimshiliginiń shyǵyndaryn jariia etti. Atap aitqanda, demokrattar komandasy "Qazaqstandaǵy jalǵan aqparatpen kúresýge" aqsha bólgen, dep habarlady Aq úidiń baspasóz hatshysy Karolin Levitt, - dep habarlaidy Ult.kz Tengrinews.kz-ke silteme jasap.
Brifing barysynda Karolin Levitt Baiden ákimshiligi áreketin "aqymaqtyq" dep aiyptap, Gvatemaladaǵy jynysty aýystyrý operatsiiasyna 2 million dollar jumsaǵanyn aitty.
Buǵan qosa, Baiden basqarǵan kezeńde AQSh Iraktaǵy jańa shoýǵa jáne "Qazaqstandaǵy jalǵan aqparatpen kúresýge" milliondaǵan dollar bólgen.
"Irakta jańa shoý qurýǵa 20 million dollar, al Qazaqstandaǵy "jalǵan aqparatpen kúresýge" 4,5 million dollar bólindi. Baiden Mysyrdaǵy "týrizmdi qarjylandyrýǵa" taǵy 6 million dollar bóldi", - dedi Levitt.
Tramptyń baspasóz hatshysy qandai jalǵan aqparat týraly aityp turǵanyn túsindirmedi.
«Men ári qarai jalǵastyra alamyn, men bul tizimdi árqaisyńyzǵa qýana usynamyn», - dedi Levitt jýrnalisterge.
Onyń pikirinshe, demokrattar Tramp ákimshiligi qysqartyp jatqan «uzaq sandyraq tizimge» ashýlanǵandai «uiymdastyrýda». Aq úidiń baspasóz hatshysynyń aitýynsha, federaldy úkimet kómekke muqtaj Soltústik Karolina men Kaliforniia turǵyndary úshin eshteńe jasamaǵan.
