Qazaqstan azamaty shetelde koronavirýsqa qarsy vaktsina alýyna bola ma? Jáne sheteldik vaktsina pasporty Qazaqstanda jaramdy ma? Bul suraqqa QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova jaýap berdi, dep habarlaidy QazAqparat.
«Vaktsina alǵannan keiin 6 aidan soń koronavirýs infektsiiasyna qarsy revaktsina alýǵa ruqsat. Búgingi kúnge 1 mln 200 myń adam revaktsinatsiiadan ótti. Elimizde «Pfizer» vaktsinasynyń 2,5 mln astam dozasy bar. Jaramdylyq merizimi – 9 ai. Búgingi kúnge deiin birinshi komponent 564 myńnan astam adamǵa, ekinshi kompanent 300 myńnan astam adamǵa egildi», - dedi Aijan Esmaǵambetova OKQ-de onlain ótken baspasóz máslihatynda.
Sondai-aq, komitet basshysy «Qazaqstandyqtarǵa shetelde vaktsina alýǵa bola ma?» - degen saýalǵa jaýap berdi.
«Azamattardyń vaktsina alýy óz erkinde jáne ony qaidan alatynynda ózi sheshedi. Bul týraly elimizde koronavirýsqa qarsy vaktsina alý naýqany bastalǵan sátte aitqan bolatynbyz. Eger qazaqstandyq azamat shetelden vaktsina alsa, onyń pasportyn kórsetedi. Jáne ol pasport bizdiń aqparattyq júiege azamat vaktsina alǵan bolyp tirkeledi», - deidi ol.
