Halyqtyń tabysyn arttyrý baǵdarlamasyna respýblikalyq biýdjetten 197 milliard teńge bólinedi. Bul týraly qarjy vitse-ministri Tatiana Saveleva málimdedi, dep habarlaidy Sputnik Qazaqstan.
2022-2024 jyldarǵa arnalǵan respýblikalyq biýdjetti naqtylaý kezinde Halyqtyń tabysyn arttyrý baǵdarlamasyna 197 milliard teńge qarastyryldy.
Vitse-ministr bul qarjy qandai baǵyttarǵa jumsalatynyn túsindirdi.
"Birinshisi – 10 myń azamatqa óz biznesin ashýǵa mikrokredit berý. Buǵan 40 milliard teńge bólinedi. Baǵdarlama maqsaty – aýyl halqyn turaqty qosymsha tabyspen qamtamasyz etý. Kredit 6 protsentpen, 7 jyl merzimge qaitarymdy negizde beriledi", - dedi Saveleva májiliste zań jobasyn tanystyryp jatyp.
Ekinshisi – "Alǵashqy jumys orny", túlekterge arnalǵan "Jastar praktikasy" jobalary aiasynda jastardy qoldaý. Shyǵyn – 18 milliard teńge.
Qoǵamdyq jumys jobalaryn júzege asyrýǵa jáne jańa "Kúmis jas" jobasyn engizýge 38 milliard teńge jumsalady.
Sondai-aq jekemenshik turǵyn úi qorynan jalǵa alynǵan baspananyń aqysyn sýbsidiialaýǵa 40 milliard teńge baǵyttalady.
