Foto: Ashyq derekkóz
Sinoptikter Qazaqstanda 4, 5 jáne 6 shildede aýa raiy qandai bolatyny týraly boljam jasady, - dep habarlaidy «Ult aqparat».
Aýa raiy boljamyna sáikes, aldaǵy kúnderi Qazaqstan aýmaǵynyń basym bóligi tsiklonnyń yqpalynda bolady, onyń saldarynan naizaǵai oinap, burshaq jaýyp, ekpindi jel soǵady. 5 shildede soltústik-batysta, 5-6 shildede soltústikte, ortalyqta jáne ońtústik-shyǵysta, 4-6 shildede shyǵysta qatty jańbyr kútiledi.
"Tek respýblikanyń batysy men ońtústik-batysynda basym jaǵdaida aýa raiy jaýyn-shashynsyz bolady dep kútiledi. Sondai-aq, elimizdiń batysynda kúndiz óte qatty ystyq kútiledi, +33...+43 gradýsqa deiin jetedi", - delingen habarlamada.
