Qazaqstandyqtardyń jeke derekteri paidalanylǵan kezde azamattarǵa ol týraly habar beriledi. Bul týraly Qazaqstannyń tsifrlyq damý, innovatsiialar jáne aeroǵarysh ónerkásibi vitse-ministri Abylaihan Ospanov 2020 jyldyń basynda habarlaǵan bolatyn. Bul týraly «Ult» portaly jazady.
Vitse-ministdiń aitýynsha, azamattardyń jeke derekterine qatysty is-áreket jasalatyn jaǵdaida, azamatqa bul týraly habar beretin servis iske qosyldy. Demek, árbir adam óziniń jeke deregin kimniń, qalai jáne ne úshin suraitynyn jáne paidalanatynyn bilip otyrady.
Sonymen qatar Ospanov azamattarǵa Nur-Sultan, Almaty jáne Qyzylordanyń keibir HQKO-larynda ǵana emes, búkil el boiynsha "Azamattarǵa arnalǵan úkimet" korporatsiiasynyń barlyq bólimshelerinde óziniń saýsaq izderi men bet beinesin paidalana otyryp, qyzmet alýǵa múmkindik berýge arnalǵan memlekettik qyzmetterdiń pilottyq rejimde qyzmet kórsetýiniń jańa táseliniń júzege asyp jatqanyn aitty.
Sonymen qatar Ospanov mobildi úkimet bazasynda tsifrlyq qujattar servisin engizý ideiasyn usyndy.
Bul ózderimen birge kýálandyratyn qujattary joq qazaqstandyqtarǵa memlekettik jáne memlekettik emes qyzmetterdi alý protsesin jeńildetýge múmkindik beredi.
Jyl basynda ministrdiń orynbasary bul jańashyldyqty engizýge tehnikalyq turǵydan daiyn ekenin, eGov mobile qosymshasynda osyndai servis iske asyrylyp jatqanyn habarlady.
Elektrondyq-tsifrlyq qoltańbany qalai qorǵaýǵa bolady?
"Azamattarǵa arnalǵan úkimet" memlekettik korporatsiiasynyń statistikasyna sáikes, 2019 jyly qazaqstandyqtar halyqqa qyzmet kórsetý ortalyǵynan segiz million ret elektrondyq-tsifrlyq qoltańda alǵan. Al bul kórsetkish 2018 jylmen salystyrǵanda 1,8 esege kóp. Al biyl pandemiiaǵa bailanysty bul kórsetkishtiń aitarlyqtai artqany anyq. Sebebi 2020 jyly elektrondyq qoltańba alǵandar arasynda mektep bitirýshi túlekter men magistratýraǵa tapsyratyn azamattar da qosyldy. Sebebi karantin rejimine bailanysty azamattar qyzmettiń birshama túrin onlain alatyn boldy.
Sonymen qatar elektrondy-tsifrlyq qoltańba bir rettik kilt emes, al el azamattarynyń basym bóligi ony bir ret qana qoldanýǵa bolady dep oilaidy.
28 qańtarda álemde halyqaralyq derbes derekterdi qorǵaý kúni dep belgilengen. Keiingi jyldary da Qazaqstan azamattary arasynda da azamattarǵa arnalǵan úkimet ETsQ ielerintsifrlyq qoltańba kiltin qorǵaý úshin sharalar qoldanýǵa shaqyrǵan bolatyn.
Demek, ár azamat óziniń jeke deregin saqtaýy úshin qarapaiym úsh tásildi qoldanýy qajet. Eń aldymen, ETsQ-ny jeke papkaǵa saqtaý qajet. Ekinshiden, óziniń jeke qupiia sózin ornatqany jón. Sebebi halyqqa qyzmet kórsetý ortalyǵynda barlyq azamattyń tsifrlyq qoltańbasyna ortaq standart parol qoiylady. Úshinshiden, azamat óz kiltin úshinshi jaqtaǵy tulǵaǵa bermeýi kerek.
Sonymen qatar qazaqstandyqtar elektrondyq-tsifrlyq qoltańbanyń qoldagý merzimi aiaqtalǵany týraly habarlamany poshta nemese telefon arqyly habarlaý tetigin ornata alady.
Aita keteiik, ETsQ-nyń áreket etý merzimin egovmobile mobildi qosymshasynyń jańartylǵan nusqasynan kórýge bolady. Bul azamattarǵa portaldaǵy jeke kabinetinen halyqqa qyzmet kórsetý ortalyǵyna barmai-aq ETsQ qoldaný merzimin uzartýǵa múmkindik beredi.
