2020 jylǵy 1 qyrkúiektegi jaǵdai boiynsha Qazaqstan salymshylarynyń zeinetaqy jinaqtarynyń somasy 12,2 trillion teńge boldy, dep habarlaidy "Ult aqparat".
«2020 jyldyń qyrkúiegine qarai Biryńǵai jinaqtaýshy zeinetaqy qory salymshylarynyń shottarynda 12,2 trillion teńge zeinetaqy jinaǵy qalyptasty. Bir jylda zeinetaqy jinaqtarynyń somasy 1,4 trillion teńgege para-par nemese 13% ósti»,– delingen habarlamada.
Zeinetaqy jinaqtarynyń negizgi somasy mindetti zeinetaqy jarnalary esebinen qalyptasty, onyń mólsheri 11,9 trln teńge. Mindetti kásiptik zeinetaqy jarnalary boiynsha zeinetaqy jinaqtarynyń somasy 294 mlrd teńge, al erikti zeinetaqy jarnalary boiynsha zeinetaqy jinaqtarynyń somasy 2 mlrd teńgeden asty.
2020 jyldyń basynan beri salymshylardyń shottaryna jalpy kólemi 685,6 mlrd teńge zeinetaqy jarnalary aýdarylǵan, ol aldyńǵy jyldyń 8 aiyndaǵy kórsetkishten 8 paiyzǵa joǵary.
Jyl basynan bergi tólemder 117,5 mlrd teńgeni qurady, olardyń basym bóligi jasy boiynsha tólemderge (39,5 mlrd teńge), Qazaqstan Respýblikasynan tys turǵylyqty turatyn jerge ketý (23,3 mlrd teńge), saqtandyrý uiymdaryna aýdarymdar (31,5 mlrd teńge), muragerlerge (19,8 mlrd teńge), jerleýge (2,4 mlrd teńge) berilgen.
2020 jyldyń basynan bastap 1 qyrkúiektegi jaǵdai boiynsha Qor salymshylarynyń shottaryna 871,9 mlrd teńge taza investitsiialyq tabys esepteldi, bul ótken jyldyń sáikes kezeńimen salystyrǵanda 443,1 mlrd teńgege artyq.
