2020 جىلعى 1 قىركٷيەكتەگٸ جاعداي بويىنشا قازاقستان سالىمشىلارىنىڭ زەينەتاقى جيناقتارىنىڭ سوماسى 12,2 تريلليون تەڭگە بولدى, دەپ حابارلايدى "ۇلت اقپارات".
«2020 جىلدىڭ قىركٷيەگٸنە قاراي بٸرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12,2 تريلليون تەڭگە زەينەتاقى جيناعى قالىپتاستى. بٸر جىلدا زەينەتاقى جيناقتارىنىڭ سوماسى 1,4 تريلليون تەڭگەگە پارا-پار نەمەسە 13% ٶستٸ»,– دەلٸنگەن حابارلامادا.
زەينەتاقى جيناقتارىنىڭ نەگٸزگٸ سوماسى مٸندەتتٸ زەينەتاقى جارنالارى ەسەبٸنەن قالىپتاستى, ونىڭ مٶلشەرٸ 11,9 ترلن تەڭگە. مٸندەتتٸ كەسٸپتٸك زەينەتاقى جارنالارى بويىنشا زەينەتاقى جيناقتارىنىڭ سوماسى 294 ملرد تەڭگە, ال ەرٸكتٸ زەينەتاقى جارنالارى بويىنشا زەينەتاقى جيناقتارىنىڭ سوماسى 2 ملرد تەڭگەدەن استى.
2020 جىلدىڭ باسىنان بەرٸ سالىمشىلاردىڭ شوتتارىنا جالپى كٶلەمٸ 685,6 ملرد تەڭگە زەينەتاقى جارنالارى اۋدارىلعان, ول الدىڭعى جىلدىڭ 8 ايىنداعى كٶرسەتكٸشتەن 8 پايىزعا جوعارى.
جىل باسىنان بەرگٸ تٶلەمدەر 117,5 ملرد تەڭگەنٸ قۇرادى, ولاردىڭ باسىم بٶلٸگٸ جاسى بويىنشا تٶلەمدەرگە (39,5 ملرد تەڭگە), قازاقستان رەسپۋبليكاسىنان تىس تۇرعىلىقتى تۇراتىن جەرگە كەتۋ (23,3 ملرد تەڭگە), ساقتاندىرۋ ۇيىمدارىنا اۋدارىمدار (31,5 ملرد تەڭگە), مۇراگەرلەرگە (19,8 ملرد تەڭگە), جەرلەۋگە (2,4 ملرد تەڭگە) بەرٸلگەن.
2020 جىلدىڭ باسىنان باستاپ 1 قىركٷيەكتەگٸ جاعداي بويىنشا قور سالىمشىلارىنىڭ شوتتارىنا 871,9 ملرد تەڭگە تازا ينۆەستيتسييالىق تابىس ەسەپتەلدٸ, بۇل ٶتكەن جىلدىڭ سەيكەس كەزەڭٸمەن سالىستىرعاندا 443,1 ملرد تەڭگەگە ارتىق.
