Foto: Altynai Saǵyndyqova/Kazinform
Mádeniet jáne aqparat ministrliginiń deregi boiynsha eldegi 31,3%-y kitap oqidy. Vedomstvonyń 2023 jylǵy damý kórsetkishteri týraly esebinde osyndai málimet keltirilgen.
Ministrlik mamandary eldegi kitapqumarlardyń úlesin kitaphana qyzmetin paidalanýshylardyń sany arqyly anyqtaǵan. 2023 jyly halyqtyń sany 20 mln 33 myń 546 adam bolsa, onyń 2 mln 49 myń 156-sy 4 jasqa deiingi balalar retinde esepke alynbaǵan. Qalǵan 17 mln 984 myń 390 adamnyń 5 mln 738 myń 39-y kitaphanalardyń qyzmetin paidalanǵan.
«2023 jyly elimizdegi kitaphanalarda 153 472 is-shara ótkizildi. Ol is-sharalar 5 738 039 paidalanýshyny qamtyp, halyqtyń oqý belsendiligi 31,3%-ǵa jetti», - dep jazylǵan.
Resmi derekke sensek, Elimizde 9,5 myńnan astam kitaphanashy, 73 millionǵa jýyq kitap bar.
Elektrondy kitaptar men qujattarǵa jyl saiyn álemniń 110 elinen paidalanýshylar júginedi.
