Qazaqstandyqtardyń múlik salyǵy boiynsha qaryzy 3,2 mlrd teńgeni qurady. Bul týraly QR QM Memlekettik kirister komitetinen málim etti, dep habarlaidy QazAqparat.
Osyǵan orai Memlekettik kirister komiteti jeke sot oryndaýshylaryna alymdy tóleý esebinen boryshtyń ulǵaiýyn boldyrmaý jáne bereshekti májbúrlep óndirip alýǵa bailanysty qolaisyzdyqqa tap bolmaý úshin azamattarǵa salyq qaryzdaryn tóleýge keńes berdi.
«2021 jylǵy 10 aidyń qorytyndysy boiynsha jeke tulǵalardyń menshiktegi jyljymaityn múlik boiynsha salyq beresheginiń somasy 3,2 mlrd. teńgeni qurady. Onyń ishinde: múlik salyǵy boiynsha – 2,9 mlrd teńge (756 myń boryshker), jer salyǵy boiynsha – 0,3 mlrd teńge (159 myń boryshker)», - dep atap ótedi komitetten.
