Qazaqstan qoǵamynyń biýdjetti josparlaýǵa qatysýy tómen. Bul týraly QR qarjy vitse-ministri Rýslan Eńsebaev aitty, dep habarlaidy QazAqparat.
«Biz biýdjet ashyqtyǵyna qatysty halyqaralyq indeks boiynsha jumysymyzdy úsh baǵytta júrgizemiz. Birinshisi - bul biýdjet ashyqtyǵy. Túrli alańdarǵa biýdjettiń oryndalýy, biýdjetti josparlaý týraly eseptik aqparattardy ornalastyryp otyramyz», - dedi ol IX Azamattyq forým barysynda.
Osy rette vitse-ministr qoǵamnyń biýdjetti josparlaýǵa qatysýyna qatysty jeke baǵyttyń bar ekendigin atap ótti.
«Óitkeni, bir jaǵynan adamdarǵa esep-qisapty kórý, ekinshi jaǵynan biýdjetti josparlaýǵa qatysý jáne ózderiniń qandai da bir usynystaryn berý úshin usyný qajet. Ókinishke orai, bizde qoǵamnyń qatysýy boiynsha ball óte tómen. 100 balldyń 17-i bally ǵana. Degenmen, bul ortasha álemdik deńgeiden birshama joǵary. Qazirgi ýaqytta álemdik deńgei 14 balldy qurap otyr. Sebebi, búkil álemde bul máselege endi ǵana basa nazar aýdaryp jatyr», - dedi Rýslan Eńsebaev.
