Qazaqstan azamattarynyń aty-jónderin latyn negizdi álipbimen jazylý erejeleri ázirlenedi. Bul týraly Mádeniet vitse-ministri Nurǵisa Dáýeshov aitty, dep habarlaidy "Ult aqparat".
«Qazaqstan Respýblikasy azamattarynyń aty-jónderin latyn negizdi álipbimen jazylý erejeleri ázirlenbek. Odan bólek el aýmaǵyndaǵy geografiialyq obektilerdiń jáne olardyń quramdas bólikteriniń ataýyn latyn grafikasy negizinde standarttalady. Sondai-aq, qazaq tilin ǵylym tiline ainaldyrýǵa baǵyttalǵan ǵylymi-lingvistikalyq bazasyn qurý kózdelgen», - dedi vitse-ministr.
Onyń aitýynsha Qazaqstan Respýblikasynyń Memlekettik Týyn, Memlekettik Eltańbasyn jáne olardyń beinelerin, sondai-aq Qazaqstan Respýblikasy Memlekettik Gimniniń mátinin paidalaný (ornatý, ornalastyrý) qaǵidalaryna» ózgerister engizilgen. Ol boiynsha jeke jáne zańdy tulǵalar Qazaqstan Respýblikasynyń Memlekettik Týyn ǵimarattarda, onyń ishinde balkondarda jáne saltanatty is-sharalar ótkiziletin oryndarda ornalastyrý múmkindigin aldy.
Eske salsaq, 2023 jyly 1 synyptarǵa latyn grafikasyna negizdelgen qazaq álipbii engiziledi.
28 qańtarda latyn grafikasyndaǵy jańa jetildirilgen qazaq álipbii jariialandy.
