Qazaqstandyqtardyń ál-aýqatynyń artýy negizgi basymdyqqa ainalýy tiis. Bul týraly búgin Aqordada Qazaqstanǵa kezekti Joldaýyn jariialaǵan Prezident Nursultan Nazarbaev aitty, dep habarlady QazAqparat tilshisi.
«Úkimet, memlekettik organdardyń, kompaniialardyń birinshi basshylary jumysqa degen ádisterin ózgertýleri tiis. Qazaqstandyqtardyń ál-aýqatynyń artýy negizgi basymdyqqa ainalýy tiis. Jalpy Ishki jalpy ónim, infliatsiia, barlyq makroekonomikalyq kórsetkishter ózdiginen-aq tsifrlar. Bul tsifrlarǵa qazaqstandyqtardyń ómirin jaqsartý úshin qol jetkizemiz. Barlyq ákimder men ministrlerge muny barlyq ýaqytta este saqtap, bastarynda ustaýlaryn ótinemin», - dedi Elbasy.
Memleket basshysy dál osy parametrlermen barlyq deńgeidegi búkil basshylardyń qyzmetterine sáikestiginiń derbes jaýapkershiligi baǵalanatyndyǵyn basa aitty.
«Qazaqstandyqtardyń ál-aýqaty birinshi kezekte turaqty tabys pen sapaly ómirlerine bailanysty. Adamnyń ózi eńbeksúigish bolǵan kezde tabysy da arta túsedi. Men muny únemi aityp kelemin», - dep eskertti Nursultan Nazarbaev.
Prezidenttiń aitýynsha, adamǵa jumys ornyn usyný emes, biliktilik másele bolyp otyr. Biliktilik bolmasa onda ekonomikamyzdyń túrli salalarynda mamandyq ta bolmaidy.
.jpeg)