Premer-Ministr Asqar Mamin qazaqstandyqtardyń internetpen qamtylýy týraly aitty, dep habarlaidy QazAqparat.
«Men pandemiia jaǵdaiynda Qazaqstan ekonomikasy turaqtylyqtyń joǵary deńgeiin kórsetkenin atap ótkim keledi. Bul kóbine sandyq sheshimderdiń memlekettik jáne jeke sektorlardyń barlyq salasyna enýine bailanysty. Shekteýlerge qaramastan, biz tsifrlyq infraqurylymnyń qoljetimdiligi men sapasyn jaqsartý boiynsha barynsha jumys istedik. 2020 jyly MJÁ jobasy aiasynda 20 myń shaqyrymdyq talshyqty-optikalyq bailanys jelisin salýdyń aiaqtadyq. Myńnan astam uialy bailanystyń bazalyq stantsiialary ornatyldy. Bul aimaqtardaǵy tehnologiialyq teńsizdik deńgeiin aitarlyqtai tómendetýge múmkindik berdi. Nátijesinde, búginde Qazaqstan halqyn internetpen qamtý 99% quraidy», - dedi Asqar Mamin Digital Almaty 2021 aiasynda.
Úkimet basshysy óz sózinde memlekettik mekemelerdiń tsifrlyq sheshimderdi jedeldetip engizýi qazirgi jaǵdaida asa qajet ekendigin atap ótti. Sonymen qatar, ol qashyqtan oqytý men jumys isteý formaty kiristiń azaiýyna ómir súrý sapasynyń tómendeýine kedergi keltirýine jol bermeý qajettigin de tilge tiek etti.
«Biz tsifrlyq ekonomikanyń buryn-sońdy bolmaǵan ósýine kýá boldyq. Dúniejúzilik qarjy institýttarynyń málimetteri boiynsha 2020 jyly IT-tehnologiiaǵa jumsalǵan qarjy kólemi 3,9 trln dollardan asty», - dedi Asqar Mamin.
