Qazaqstandyqtardyń 80% derlik deklaratsiia tapsyrýǵa jáne onda óz múlki týraly aqparatty kórsetýge daiyn, dep habarlaidy "Ult aqparat" QR QM Memlekettik kirister komitetine silteme jasap.
Mundai málimetter @qarjyminkz telegram kanalynda bir ai shamasynda ótken saýalnama nátijesinde alyndy.
Daýys bergenderdiń 100%-y deklaratsiiany elektrondy túrde tapsyrýdy josparlap otyr, óitkeni bul yńǵaily, deidi saýalnamaǵa qatysýshylar. Onyń ishinde uialy telefon jáne basqa gadjetter arqyly - 69%, kompiýterdi paidalaný - 31%.
Al, qaǵaz túrinde deklaratsiia tapsyrýǵa niet bildirgen adamdar múldem bolmady.
Sonymen qatar, 16% aqparattyq qaýipsizdik máselesine alańdaýda. Alaida, QR Qarjy ministrliginiń baspasóz qyzmeti alańdaýǵa negiz joq dep sendiredi. Sonymen qatar, deklaratsiia tapsyrý azamattardan kóp ýaqytty almaýy úshin ministrlik jańa tehnologiialardy engizýde.
Osylaisha, e-Salyq Azamat mobildik qosymshasynda jalpyǵa birdei deklaratsiialaý aiasynda Aktivter men mindettemeler týraly deklaratsiiany (eseptilik nysany 250.00) usyný boiynsha servisi iske asyryldy. Bul servis jalpyǵa birdei deklaratsiialaýdy engizgenge deiin barlyq qajetti testilik jumystardan ótken, sol arqyly búgingi kúni serviske ońai qoljetimdi.
Sondai-aq, jyl basynan beri barlyǵy 153 497 deklaratsiia (SEN 250.00) - onyń ishinde e-Salyq Azamat arqyly – 115 myń deklaratsiia usynyldy.
Bul rette e-Salyq Azamat-ta deklaratsiiany toltyrý azamattar úshin qiyndyq týǵyzbaitynyn atap ótý qajet, birinshiden, bul mobildi qosymshanyń interfeisine qatysty jáne «Suraq-jaýap» túrindegi jeńildetilgen formattyń arqasynda.
