Qazaqstan Respýblikasynyń Prezidenti janyndaǵy Qazaqstannyń strategiialyq zertteýler institýtynyń tapsyrysy boiynsha 2024 jylǵy 7-18 tamyz aralyǵynda telefon arqyly saýalnama júrgizildi. Iriktemeli jiyntyq kólemi 1200 respondentti qurady. Saýalnamaǵa 17 oblystan jáne respýblikalyq mańyzy bar Astana, Almaty jáne Shymkent qalalarynan 18 jastan asqan respondentter qatysty.
Jalpy, saýalnamaǵa qatysqandardyń kópshiligi (53,1%) AES salý ideiasyn qoldaidy. AES salý ideiasyn qoldaityndar oǵan úlken úmit artady, sonyń ishinde 2030 jylǵa qarai elektr tapshylyǵy máselesi shishiledi dep senedi.
AES salý ideiasynyń qarsylastary (32,5%) negizinen yqtimal apattar men olardyń qorshaǵan ortaǵa tigizetin zardaptaryna alańdaýshylyq tanytady.
Sonymen qatar árbir onynshy respondent (14,4%) óz tańdaýyn áli jasaǵan joq.
Sondai-aq, respondentterdiń jartysy (51,0%) ózderin AES qurylysyna qatysty referendýmda «qoldaý» nemese «qarsy» dep daýys berý úshin jetkilikti aqparat pen bilim deńgeiine ie dep sanaidy. Respondentterdiń taǵy 12,2%-y tolyq emes aqparatqa ie ekenin moiyndaidy. Saýalnamaǵa qatysqandardyń 31,6%-y múldem eshqandai aqparatqa ie emes, al 5,2%-yna jaýap berý qiynǵa soqty.
Saýalnama barysynda respondentterdiń 42,6%-y AES salý máselesi boiynsha referendýmǵa qatysýǵa tolyqqandy niet bildirdi. Taǵy 16,4%-y qatysý múmkindigin aitty. Respondentterdiń 25,3%-y referendýmǵa qatyspaýdy josparlaidy, 8,9%-y shamasy qatyspaidy, al 6,8%-y jaýap berýge qinaldy.
