Ýkrainadaǵy qazaqstandyqtardy Polshanyń Katovitse qalasynan Atyraýǵa arnaiy reispen aparý josparlanyp otyr. Ushý 26 aqpan jergilikti ýaqyt boiynsha saǵat 2:00-ge josparlanǵan.
Ýkrainadan evakýatsiialaýǵa 500-den astam qazaqstandyq ótinim berdi. Qazaqstan azamattary úshin Ýkraina-Polsha shekarasynan áýejaiǵa deiin vizasyz "jasyl dáliz" qamtamasyz etiledi.
"Kievten bir lekti Lvovqa jiberdik. Bul lekte elshilik qyzmetkerleriniń otbasy músheleri (25 adam), Air Astana aviakompaniiasynyń prezidenti Piter Foster, stýdentter, tranzittik aimaqtarda qalǵan azamattar, týrister bar. Barlyǵy 500-den astam adam repatriatsiialyq reiske saýalnama toltyrdy. Bilet qunyn ázirge aita almaimyn, másele sheshilip jatyr", - dedi ol.
Káletaevtyń aitýynsha, Qazaqstan elshiliginiń ǵimaratynda stýdentter men týristerdi qosqanda 70-ten astam adam túnegen.
"Biz kezdesý núktesi Lvov qalasy dep belgiledik. Óitkeni bul qala qaýipsiz qalalardyń biri jáne Polshaǵa jaqyn. Biz qazaqstandyqtarǵa Lvovqa jetýge kómektesýge tyrysamyz. Biz eshkimdi qaldyrmaimyz. Keshe Kievte kólik keptelisi bolyp, adamdar úilerine oralýǵa májbúr boldy. Búgin taǵy bir másele bar. Kólik jaldai almaimyz, óitkeni júrgizýshiler joq. Barlyq er adamdar áskerge shaqyryldy. Múmkindikterdi qarastyryp jatyrmyz. Senim telefonyna qońyraý shalǵandardy múmkindiginshe jiberemiz. Kólik tapqannan keiin olarǵa qońyraý shalamyz", - dedi Káletaev.
Qazaqstandyqtardy úsh reispen jetkizý josparlanǵan.
Qosymsha aqparat alý úshin Air Astana ókilderine myna telefondar arqyly habarlasyńyz: +38 (050) 051-11-17, +38 (050) 981-54-49
Sonymen qatar, Odessa oblysynyń aýmaǵynda júrgen Qazaqstan azamattary elden Moldova arqyly (Staro-Kazachia, Palanka, Týdora jáne Serpneve-1 shekaralary) kete alady.
Moldovadaǵy Qazaqstan Respýblikasy elshiliginiń bailanys telefondary: +373 61 070 550, +373 60 601 676, +373 69 474 722
Qazaqstan Respýblikasynyń Moldovadaǵy qurmetti konsýly Roman Stankovtyń bailanys telefony: +373 788 22 222.
Foto ©REUTERS
