Qazaqstandyqtardy evakýatsiialaýǵa arnalǵan ekinshi reis Atyraýdan Polshanyń Katovitse qalasyna ushty, - dep habarlaidy Tengrinews.kz tilshisi Azamattyq aviatsiia komitetine silteme jasap.
"Qazaqstan azamattaryna jiberilgen ekinshi ushaq Atyraýdan Katovitsege Nur-Sultan ýaqytymen 10:13-te ushty. Katovitse áýejaiyna qonatyn boljamdy ýaqyty Nur-Sultan ýaqytymen 14:19", - delingen habarlamada.
Eske salaiyq, Qazaqstannyń 175 azamaty otyrǵan ushaq 28 aqpanda saǵat 22:30-da Almaty áýejaiyna qondy. Alǵashynda ol 26 aqpanǵa qaraǵan túni keledi dep josparlanǵan edi. Áýejaida qazaqstandyqtardy týystary qarsy aldy. Kóbi gúl shoqtary, sharlarmen keldi, keibireýi emotsiiasyn ustai almai, jylap qaýyshty.
