Prezident Qasym-Jomart Toqaev Qazaqstan azamattaryn Ýkrainadan evakýatsiialaýǵa qatysty jaǵdaidy jiti qadaǵalap otyr. Bul týraly Prezidenttiń baspasóz hatshysy Berik Ýáli aitty, - dep habarlaidy "Ult aqparat".
"Búgin Qazaqstannyń Ýkrainadaǵy elshisi Darhan Káletaev Memleket basshysy Qasym-Jomart Toqaevqa azamattarymyzdy elge jetkizý úshin qabyldanǵan sharalar jóninde esep berdi. Memleket basshysy Syrtqy ister ministrliginiń, elshilikter qyzmetkerleriniń jáne Qazaqstannyń Ýkraina men Polshadaǵy qurmetti konsýldarynyń túrli qiyndyqtarǵa qaramai, atqaryp jatqan jumystaryn oń baǵalaidy", - delingen habarlamada.
QR Úkimeti Katovitse (Polsha) - Atyraý - Almaty baǵytyndaǵy repatriatsiia reisterin uiymdastyrý máselesin pysyqtady. Sonymen qatar, qazaqstandyqtardy elge jetkizetin birinshi reis búginge josparlanǵany aityldy.
Berik Ýálidiń aitýynsha, qazaqstandyqtardy Ýkrainadan alyp kelýge qatysty másele Prezident Qasym-Jomart Toqaevtyń jeke baqylaýynda.
