Atyraýdaǵy Home Avto Invest kompaniiasynyń burynǵy atqarýshy direktory. © ATPressskz
Aqtóbe oblystyq soty Home Avto Invest qarjylyq piramidasyn uiymdastyrýshy men uiymnyń Aqtaý men Atyraýdaǵy bólimsheleriniń basshylaryna qatysty úkim shyǵardy, - dep habarlaidy Tengrinews.kz tilshisi "Aqtóbe Taims" basylymyna silteme jasap.
Sýdiaǵa jábirlenýshilerdiń tizimi men sottalǵandar olarǵa tóleýge tiis shyǵyn kólemin tizip shyǵýǵa bir saǵattai ýaqyt ketti. Piramida qyzmetinen keltirilgen shyǵynnyń eń az mólsheri 100 myń teńge bolsa, 20 million, tipti 40 million teńge joǵaltqan jábirlenýshiler de boldy.
Kóptegen jábirlenýshiler sottan zańda qarjy piramidasyn qurý jáne basqarý úshin beriletin jazanyń eń aýyryn taǵaiyndaýdy surady.
Nátijesinde piramidany uiymdastyrýshy aqtóbelik toǵyz jylǵa bas bostandyǵynan aiyrylsa, Home Avto Invest kompaniiasynyń Aqtaý jáne Atyraý bólimsheleriniń basshylary alty jyl segiz aiǵa bas bostandyǵynan aiyryldy.
Olar jazasyn eń tómengi qaýipsizdik mekemesinde óteitin bolady. Sondai-aq sot olardyń úsheýin aldaǵy jeti jyl ishinde kommertsiialyq jáne qarjylyq uiymdarda basshylyq qyzmet atqarý quqyǵynan aiyrdy.
Home Avto Invest qarjylyq piramidasy 2019 jyldyń jeltoqsanynda qurylyp, birneshe ai jumys istegen. Al 2020 jyldyń aqpanyna deiin ol 450-ge jýyq azamatty aldap úlgergen. Jábirlenýshilerge keltirilgen shyǵyn shamamen 2 milliard 215 million teńge.
