Foto: Polisia.kz
Politsiia jumyspen qamtý jáne jyljymaityn múlik pen avtokólik salasyndaǵy alaiaqtyq úshin buryn ustalǵan alaiaqtar tobyna qatysty qylmystyq is qozǵady, – dep habarlaidy "Ult aqparat" Polisia.kz portalyna silteme jasap.
Mańǵystaý oblysy politsiia departamentiniń uiymdasqan qylmysqa qarsy kúres basqarmasynyń qyzmetkerleri ótken jyly jedel-izdestirý is-sharalaryn júrgizý barysynda alaiaqtyq faktisin anyqtaǵan.
Qaskóiler munai kompaniialarynyń birine jumysqa ornalastyrý, sondai-aq avtokólikter men jyljymaityn múlikti alyp-satý syltaýymen 112 mln teńgeden astam qarajatty iemdengen.
"Búginde politsiiaǵa respýblikanyń ár óńirinen 20 adam aryzben júgindi.
Ustalǵandardyń turǵylyqty jeri men jumys orny boiynsha tintý júrgizildi. Zattai dáleldemeler tárkilendi.
Qazirgi ýaqytta toptyń úsh múshesi qamaýda. Qajetti tergeý sharalary júrgizilip jatyr. Olar uiymdasqan qylmystyq topty quryp, ony basqardy jáne oǵan qatysty dep aiyptalyp otyr.
Tergeý múddesi úshin ózge málimetter jariia etilmeidi", – dedi QR IIM uiymdasqan qylmysqa qarsy kúres departamentiniń ókili Qýandyq Alpys.
