2020 jyldyń qańtarynan qyrkúiegine deiingi kezeńde jalpy el turǵyndary ekinshi deńgeili bankterden jáne aiyrbastaý pýnktilerinen jalpy salmaǵy 566,3 kg bolatyn 13 208 ólsheýish quimany satyp aldy. Qyrkúiek aiynda jalpy salmaǵy 65,2 kg bolatyn 1 480 ólsheýish quima satyldy, dep habarlaidy "Ult aqparat".
Ulttyq banktiń málimetinshe, altyn quima bes túrde usynylǵan: 5, 10, 20, 50 jáne 100 g.
Satyp alýshylar arasynda salmaǵy 10 g quima eń kóp satyp alynady. Satýdyń jalpy kóleminen onyń úlesi 25% – 8 701 dana. Odan keiin 100 gramdyq – 7 648 dana (22%), 5 gramdyq – 6 414 dana (19%), 20 gramdyq – 7 649 dana (22%), 50 gramdyq – 4 276 dana (12%) tur.
Quima satyp alý boiynsha óńirler arasynda kóshbasshy – Almaty qalasy (satylǵan quimalardyń jalpy sanynan 55%), odan keiin Atyraý (14%), Nur-Sultan (10%) jáne basqa óńirler (21%) boldy.
Baǵdarlama iske qosylǵan sátten bastap jalpy salmaǵy 3,2 kg 119 ólsheýish quima keri satyp alýǵa qabyldandy. Bul altyn quimalardyń investitsiialaýdyń jáne jinaqty jinaqtaýdyń uzaq merzimdi quraly bolyp tabylatyndyǵyna bailanysty.
Altyn quima – investitsiialaýdyń senimdi quraly. Bankterdiń jáne banktik emes aiyrbastaý pýnkteriniń klientke «sol kúni» aqsha tólei otyryp, quimalardy keri satyp alý múmkindigi – altyn quimalary naryǵynyń ótimdiligin qamtamasyz etýdiń negizgi faktory.
Árbir quima qorǵanysh elementterimen (quimalardyń bet jaǵy ainadai, mikromátin jáne bederli gýrt) jáne quimalardy mehanikalyq zaqymdanýdan qorǵaityn jáne oraýy ashylǵanyn nemese ashylmaǵanyn tez anyqtaýǵa múmkindik beretin arnaiy oraýda shyǵarylatynyn eskertemiz.
Qorǵanysh oraýy da quima sapasynyń sertifikaty bolyp tabylady. Sondyqtan quimany uqypty saqtaý jáne oraýdy ashpaý usynylady.
Qazaqstan Respýblikasynyń Ulttyq Banki halyq úshin tazartylǵan altynnyń ólshemdik quimalaryn satý jáne keri satyp alý Baǵdarlamasyn 2017 jyly iske qosty. Barlyǵy 2017 jyldan bastap jalpy salmaǵy 1,25 t quraityn 34 688 ólsheýish quima satyldy.
Qazirgi kezde altyn quimalaryn Halyk Bank-ten, Eýraziialyq Bankten, Jýsan Bank-ten, Bank TsentrKreditten, sondai-aq banktik emes aiyrbastaý pýnktterinen satyp alýǵa jáne olarǵa keri satýǵa bolady.
