Foto:primeminister.kz
Oqý-aǵartý ministrligi azamattardyń jańa mektep oqýlyqtaryn talqylaýǵa qatysyp, olardyń sapasyn baǵalai alatynyn málimdedi. Bul týraly "Ult Aqparat" Stan.kz aqparat agenttigi silteme jasap habarlaidy.
Oqý-aǵartý ministrliginiń Bilim berý mazmunyn saraptaý respýblikalyq ǵylymi-tájiribelik ortalyǵynyń habarlaýynsha, 12 aqpannan bastap jańadan ázirlengen oqýlyqtardy qoǵamdyq talqylaý júrip jatyr.
Talkylau.ebmso.edu.kz saitynda oqýlyqtardyń mazmunynyń sapasy, qurylymy, ádistemelik tásilderi, baiandalý tili men bezendirilýi týraly qoǵam men ǵylymi-pedagogikalyq qaýymdastyq ókilderi syndarly pikirlerimen bólise alady. Onda jańadan ázirlengen oqýlyqtar bar:
3-synypqa arnalǵan "Eńbekke oqytý", "Beineleý óneri", "Orys tili" (orys tilinde oqytatyn mektepter úshin), shet tilderi (aǵylshyn, frantsýz);
3, 9-11 synyptar úshin "nemis tili";
5-9 synyptarǵa arnalǵan "Jahandyq quzyretter" oqýlyqtary qaǵaz nusqada;
3-synypqa arnalǵan "Tsifrlyq saýattylyq" páninen elektrondy oqýlyqtar.
"Qoǵamdyq talqylaýǵa ǵylymi-pedagogikalyq qoǵamdastyq ókilderi, ádiskerler, ǵalymdar, sondai-aq oqýlyqtardyń sapasyna bei-jai qaramaityn qazaqstandyqtar qatysýǵa múmkindik aldy. Ol úshin kelesi qadamdardy oryndaý qajet: veb-portalda oqýlyqtardyń jeke emes túpnusqa maketterimen tanysyńyz jáne "pikir qosý" qoiyndysyna oqýlyqtardyń mazmuny men qurylymyna qatysty syn-pikirlerdi, usynystar men baqylaýlardy jazyp, jiberińiz", - delingen habarlamada.
