Qazaqstandyqtar jumys berýshiniń qansha jalaqy, tabys salyǵy, zeinetaqy jarnalary jáne áleýmettik aýdarymdaryn eseptegenin teksere alady, dep habarlaidy "Ult aqparat".
Memlekettik kirister komiteti «e-Salyq Azamat» («App Store» jáne»Play Market») mobildi qosymshasyndaǵy «qyzmetkerdiń eńbegine aqy tóleý» servisin iske qosty.
Ol qyzmetkerge eseptelgen jeke tabys salyǵynyń, zeinetaqy jarnalarynyń, mindetti áleýmettik aýdarymdardyń jáne meditsinalyq saqtandyrýǵa áleýmettik aýdarymdardyń somalaryn qaraýyna múmkindik beredi.
Servis 2020 jyldyń 1 toqsanynan bastap salyq kezeńderi boiynsha qoljetimdi.
Derekterge qoljetkizý úshin elektrondyq tsifrlyq qoltańba arqyly nemese SMS parol arqyly sáikestendirýden ótý qajet. SMS mobildi azamattar bazasynda (HQKO) tirkelgen uialy telefon nómirine túsedi.
Derekterdi qaraý úshin «Salyq ámiiany», «Qyzmetkerdiń eńbegine aqy tóleý»bóligine ótip, jyl men kezeńdi tańdaý qajet.
Bastapqy kezeńde myna jeke tulǵalar atalǵan derekterdi qarai alady:
- jumys berýshiler biýdjetpen esep aiyrysý kezinde jalpyǵa birdei belgilengen rejimdi qoldansa;
- nemese jumys berýshiler ońailatylǵan deklaratsiia negizinde arnaiy salyq rejimin qoldansa.
Málimetter bolmasa nemese derekter sáikes kelmese, salyq eseptiligin túzetý úshin jumys berýshige júginý qajet.
MKK «E-Salyq Azamat» tegin mobildi qosymshasyn «App Store» nemese «Play Market» - ten júkteýge bolatynyn eske salady.
