Qazaqstan zeinetaqy kólemi boiynsha 44 eldiń reitinginde 37-orynda tur. Bul TMD elderi arasynda eń jaqsy kórsetkish, - dep habarlaidy Tengrinews.kz tilshisi Finprom.kz monitoring agenttigine silteme jasap.
Qazaqstandyq zeinetkerler zeinetaqysynyń 47,2 paiyzyn tamaqqa jumsaidy. Reitingke qatysýshy TMD elderiniń arasynda bul eń jaqsy kórsetkish. Mysaly, Reseide zeinetkerler zeinetaqysynyń 58,9 paiyzyn azyq-túlikke jumsaidy, Moldovada - 59,2, Belarýste - 76,7, Ýkrainada - 84,9 paiyz.
Úzdik elder qatarynda: zeinetaqynyń tek 13,4 paiyzy azyq-túlikke jumsalatyn Norvegiia, Aýstriia - 13,7 paiyz jáne Frantsiia - 14,3 paiyz.
Norvegiia reitingke qatysýshy elderdiń ishinde eń úlken zeinetaqyǵa ie - 2017 dollar. Odan keiin Shveitsariia - 1 913 dollar jáne AQSh - 1 663 dollar.
Qazaqstan TMD elderi arasynda eń joǵary kórsetkishke ie, biraq ol nebári 220 dollar. Reseide zeinetkerlerge ortasha eseppen 203 dollar, Belarýste - 183 dollar, Moldovada - 143 dollar, Ýkrainada - 123 dollar tólenedi.
2021 jyly Qazaqstanda 65 jáne odan joǵary jastaǵy 1,6 million zeinetker boldy. Onyń ishinde 70,3 myń adam jumysyn jalǵastyrdy, bul bir jyl burynǵydan úsh paiyzǵa artyq. Zeinetkerlerdiń jalpy sanynan jumys isteitin zeinetkerlerdiń úlesi nebári 4,3 paiyzdy qurady.
Jumys isteitin zeinetkerlerdiń 69,2 paiyzy nemese 48,7 myń adam derbes jumysshylar; 22,6 paiyzy nemese 15,9 myń zeinetkerler jumysshylar. Taǵy 5,7 myń zeinetker jeke kásipker retinde, 46 adam sharýashylyq seriktestikterdiń quryltaishylary men úleskerleri, sondai-aq óndiristik kooperativterdiń músheleri, jeke tulǵalar retinde tirkeldi.
Salalyq turǵyda zeinetkerlerdiń basym bóligi aýyl sharýashylyǵy salasynda jumyspen qamtylǵan: 73 paiyzy nemese 51,3 myń adam. Basqa suranysqa ie salalar arasynda kóterme saýda, bólshek saýda jáne avtokólik jóndeý, sondai-aq kólik jáne logistika sektory bar.
Biylǵy jyldyń naýryz aiynda zeinetaqynyń ortasha mólsheri 105,3 myń teńge, bul bir jyl burynǵydan 5,2 paiyzǵa artyq. Qazir elimizde 2,2 million zeinetker bar.
