قازاقستان زەينەتاقى كٶلەمٸ بويىنشا 44 ەلدٸڭ رەيتينگٸندە 37-ورىندا تۇر. بۇل تمد ەلدەرٸ اراسىندا ەڭ جاقسى كٶرسەتكٸش, - دەپ حابارلايدى Tengrinews.kz تٸلشٸسٸ Finprom.kz مونيتورينگ اگەنتتٸگٸنە سٸلتەمە جاساپ.
قازاقستاندىق زەينەتكەرلەر زەينەتاقىسىنىڭ 47,2 پايىزىن تاماققا جۇمسايدى. رەيتينگكە قاتىسۋشى تمد ەلدەرٸنٸڭ اراسىندا بۇل ەڭ جاقسى كٶرسەتكٸش. مىسالى, رەسەيدە زەينەتكەرلەر زەينەتاقىسىنىڭ 58,9 پايىزىن ازىق-تٷلٸككە جۇمسايدى, مولدوۆادا - 59,2, بەلارۋستە - 76,7, ۋكراينادا - 84,9 پايىز.
ٷزدٸك ەلدەر قاتارىندا: زەينەتاقىنىڭ تەك 13,4 پايىزى ازىق-تٷلٸككە جۇمسالاتىن نورۆەگييا, اۋسترييا - 13,7 پايىز جەنە فرانتسييا - 14,3 پايىز.
نورۆەگييا رەيتينگكە قاتىسۋشى ەلدەردٸڭ ٸشٸندە ەڭ ٷلكەن زەينەتاقىعا يە - 2017 دوللار. ودان كەيٸن شۆەيتسارييا - 1 913 دوللار جەنە اقش - 1 663 دوللار.
قازاقستان تمد ەلدەرٸ اراسىندا ەڭ جوعارى كٶرسەتكٸشكە يە, بٸراق ول نەبەرٸ 220 دوللار. رەسەيدە زەينەتكەرلەرگە ورتاشا ەسەپپەن 203 دوللار, بەلارۋستە - 183 دوللار, مولدوۆادا - 143 دوللار, ۋكراينادا - 123 دوللار تٶلەنەدٸ.
2021 جىلى قازاقستاندا 65 جەنە ودان جوعارى جاستاعى 1,6 ميلليون زەينەتكەر بولدى. ونىڭ ٸشٸندە 70,3 مىڭ ادام جۇمىسىن جالعاستىردى, بۇل بٸر جىل بۇرىنعىدان ٷش پايىزعا ارتىق. زەينەتكەرلەردٸڭ جالپى سانىنان جۇمىس ٸستەيتٸن زەينەتكەرلەردٸڭ ٷلەسٸ نەبەرٸ 4,3 پايىزدى قۇرادى.
جۇمىس ٸستەيتٸن زەينەتكەرلەردٸڭ 69,2 پايىزى نەمەسە 48,7 مىڭ ادام دەربەس جۇمىسشىلار; 22,6 پايىزى نەمەسە 15,9 مىڭ زەينەتكەرلەر جۇمىسشىلار. تاعى 5,7 مىڭ زەينەتكەر جەكە كەسٸپكەر رەتٸندە, 46 ادام شارۋاشىلىق سەرٸكتەستٸكتەردٸڭ قۇرىلتايشىلارى مەن ٷلەسكەرلەرٸ, سونداي-اق ٶندٸرٸستٸك كووپەراتيۆتەردٸڭ مٷشەلەرٸ, جەكە تۇلعالار رەتٸندە تٸركەلدٸ.
سالالىق تۇرعىدا زەينەتكەرلەردٸڭ باسىم بٶلٸگٸ اۋىل شارۋاشىلىعى سالاسىندا جۇمىسپەن قامتىلعان: 73 پايىزى نەمەسە 51,3 مىڭ ادام. باسقا سۇرانىسقا يە سالالار اراسىندا كٶتەرمە ساۋدا, بٶلشەك ساۋدا جەنە اۆتوكٶلٸك جٶندەۋ, سونداي-اق كٶلٸك جەنە لوگيستيكا سەكتورى بار.
بيىلعى جىلدىڭ ناۋرىز ايىندا زەينەتاقىنىڭ ورتاشا مٶلشەرٸ 105,3 مىڭ تەڭگە, بۇل بٸر جىل بۇرىنعىدان 5,2 پايىزعا ارتىق. قازٸر ەلٸمٸزدە 2,2 ميلليون زەينەتكەر بار.
