Qazaqstanǵa ekstrakorporaldy uryqtandyrý (EKO) protsedýrasy úshin zeinetaqy jinaǵyn qoldanýǵa ruqsat beriledi. Bul týraly «Otbasy bankiniń» basqarma tóraǵasy Lázzat Ibragimova aitty, dep habarlaidy "Ult aqparat".
«Endi zeinetaqy jinaǵyn alýǵa qatysty erejede segizinshi maqsat qosyldy, ol «kómekshi reprodýktivti ádister men tehnologiialar» dep atalady. Munyń ishine ekstrakorporaldi uryqtandyrý protsedýrasy da kiredi», - deidi Lázzat Ibragimova áleýmettik jeli arqyly ótken tikelei efir barysynda.
Onyń aitýynsha, zeinetaqy jinaǵyn qoldaný erejelerin Densaýlyq saqtaý ministrligi kelesi aptada jariialaidy.
«Kelesi aptada bul erejeler zańdy kúshine enedi dep kútip otyrmyz. Sábili bolýǵa qatysty máseleleri bar otbasylar zeinetaqy jinaǵy esebinen EKO jasaý múmkindigine ie bolady», - deidi ol.
