WhatsApp messendjerinde Helios janarmai quiý jelisinen benzindi tegin alýǵa bolatyny týraly aqparat tarady. Janarmai quiý stantsiiasynyń ókilderi bul habarlamany joqqa shyǵardy, dep habarlaidy Stopfake.kz.
Qazaqstandyqtar messendjerde Helios janarmai quiý jelilerinen 150 litr benzindi tegin alýǵa bolatyny týraly siltememen bólisýde. Ol úshin saitta saýalnamadan ótý kerek.
Alaida Helios janarmai quiý stantsiialary jelisiniń resmi saitynda da, olardyń Instagram-daǵy resmi akkaýntynda da 150 litr benzindi tegin alýǵa bolatyn aktsiia týraly habarlandyrý joq.
"Bul jalǵan aqparat. Biz bul habarlamalardy kórgennen keiin dereý ony joqqa shyǵardyq", – delingen JQS jelisi ókilderiniń jaýabynda.
Qaznette mazmuny osyǵan uqsas jalǵan habarlama buǵan deiin de taraǵan bolatyn.
Portaldyń aqparatynsha, alaiaqtar qazaqstandyqtardy tanymal brendterdiń atynan jii aldaidy. Olar kóp jaǵdaida osyndai "saýalnama" arqyly jeli qoldanýshylarynyń jeke derekterin urlaidy. Bul fishing dep atalady.
