WhatsApp مەسسەندجەرٸندە Helios جانارماي قۇيۋ جەلٸسٸنەن بەنزيندٸ تەگٸن الۋعا بولاتىنى تۋرالى اقپارات تارادى. جانارماي قۇيۋ ستانتسيياسىنىڭ ٶكٸلدەرٸ بۇل حابارلامانى جوققا شىعاردى, دەپ حابارلايدى Stopfake.kz.
قازاقستاندىقتار مەسسەندجەردە Helios جانارماي قۇيۋ جەلٸلەرٸنەن 150 ليتر بەنزيندٸ تەگٸن الۋعا بولاتىنى تۋرالى سٸلتەمەمەن بٶلٸسۋدە. ول ٷشٸن سايتتا ساۋالنامادان ٶتۋ كەرەك.
الايدا Helios جانارماي قۇيۋ ستانتسييالارى جەلٸسٸنٸڭ رەسمي سايتىندا دا, ولاردىڭ Instagram-داعى رەسمي اككاۋنتىندا دا 150 ليتر بەنزيندٸ تەگٸن الۋعا بولاتىن اكتسييا تۋرالى حابارلاندىرۋ جوق.
"بۇل جالعان اقپارات. بٸز بۇل حابارلامالاردى كٶرگەننەن كەيٸن دەرەۋ ونى جوققا شىعاردىق", – دەلٸنگەن جقس جەلٸسٸ ٶكٸلدەرٸنٸڭ جاۋابىندا.
قازنەتتە مازمۇنى وسىعان ۇقساس جالعان حابارلاما بۇعان دەيٸن دە تاراعان بولاتىن.
پورتالدىڭ اقپاراتىنشا, الاياقتار قازاقستاندىقتاردى تانىمال برەندتەردٸڭ اتىنان جيٸ الدايدى. ولار كٶپ جاعدايدا وسىنداي "ساۋالناما" ارقىلى جەلٸ قولدانۋشىلارىنىڭ جەكە دەرەكتەرٸن ۇرلايدى. بۇل فيشينگ دەپ اتالادى.
