Qazaqstanǵa Qytaida óndirilgen CoronaVac vaktsinasy jetkizildi. Bul týraly QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova aitty, dep habarlaidy "Ult aqparat".
«Qazaqstanǵa CoronaVac vaktsinasynyń 500 myń dozasy jetkizildi. Búginde ol barlyq óńirde qoljetimdi. Osy aptada barlyq óńirde CoronaVac vaktsinasyn egý bastaldy. Qazirdiń ózinde búkil elimizde CoronaVac-pen shamamen 15 myń adam ekpe aldy», - dedi komitet tóraiymy Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol CoronaVac vaktsinasynyń basqa vaktsinalardan qandai aiyrmashylyǵy bar ekendigin aitty.
«Ol QazVac, Hayat Vac syndy inaktivtelgen vaktsina sanalady. Inaktivtelgen virýs qoldanylady. Eger vaktsinany saqtaý temperatýrasy týraly aitar bolsaq, ol +2,-8 gradýs. Vaktsina eki dozaly. Dozalardy egý aralyǵy 14-ten 28 kúnge deiin. Iaǵni, CoronaVac vaktsinasyn saldyrsańyzdar, onda ekinshi dozany 2-den 4 aptaǵa deiin aralyqta alasyzdar», - dedi Aijan Esmaǵambetova.
