قازاقستانعا قىتايدا ٶندٸرٸلگەن CoronaVac ۆاكتسيناسى جەتكٸزٸلدٸ. بۇل تۋرالى قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ايتتى, دەپ حابارلايدى "ۇلت اقپارات".
«قازاقستانعا CoronaVac ۆاكتسيناسىنىڭ 500 مىڭ دوزاسى جەتكٸزٸلدٸ. بٷگٸندە ول بارلىق ٶڭٸردە قولجەتٸمدٸ. وسى اپتادا بارلىق ٶڭٸردە CoronaVac ۆاكتسيناسىن ەگۋ باستالدى. قازٸردٸڭ ٶزٸندە بٷكٸل ەلٸمٸزدە CoronaVac-پەن شامامەن 15 مىڭ ادام ەكپە الدى», - دەدٸ كوميتەت تٶرايىمى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
سونىمەن قاتار ول CoronaVac ۆاكتسيناسىنىڭ باسقا ۆاكتسينالاردان قانداي ايىرماشىلىعى بار ەكەندٸگٸن ايتتى.
«ول QazVac, Hayat Vac سىندى يناكتيۆتەلگەن ۆاكتسينا سانالادى. يناكتيۆتەلگەن ۆيرۋس قولدانىلادى. ەگەر ۆاكتسينانى ساقتاۋ تەمپەراتۋراسى تۋرالى ايتار بولساق, ول +2,-8 گرادۋس. ۆاكتسينا ەكٸ دوزالى. دوزالاردى ەگۋ ارالىعى 14-تەن 28 كٷنگە دەيٸن. ياعني, CoronaVac ۆاكتسيناسىن سالدىرساڭىزدار, وندا ەكٸنشٸ دوزانى 2-دەن 4 اپتاعا دەيٸن ارالىقتا الاسىزدار», - دەدٸ ايجان ەسماعامبەتوۆا.
