Qazaqstandyqtar salynyp jatqan turǵyn úilerdiń qurylysyn «E-Qurylys» júiesi arqyly onlain baqylai alady, dep habarlaidy QazAqparat tilshisi.
Bul týraly QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynda aitty.
«Búginde qurylys salasynda 46 476 kásiporyn jumys isteidi. Onyń ishinde qurylys materialdary óndirisinde 2 472 kásiporyn bar. Jumyspen qamtylǵandar – 641 myń jumysker men maman.
Biz jumys oryndaryn saqtaý jáne ulǵaitý jónindegi saiasatty odan ári jalǵastyramyz», - dedi vedomstvo basshysy.
Sondai-aq, ol turǵyn úidiń qymbattaýyna jol bermeý baǵytyndaǵy sharalarǵa toqtaldy.
Aitýynsha, ministrlik sol úshin úsh baǵytta jumys júrgizip jatyr:
Birinshisi - qurylys salasyn tsifrlandyrý.
Ekinshisi - baǵa belgileý júiesin jetildirý jáne qurylystaǵy baqylaýdy kúsheitý.
Úshinshisi - qurylys materialdary óndirisin damytý.
«Qurylys salasyn tsifrlandyrý boiynsha «Aqparattyq modelderdiń memlekettik banki» engizilip jatyr. Ol qurylys obektilerin onlain formatta, onyń ishinde aqparattyq modeldeý tehnologiialaryn (BIM-tehnologiialar) qoldana otyryp modeldeýge múmkindik beredi. Óz kezeginde «E-Qurylys» júiesi onlain-rejimde qazanshuńqyr qazýdan bastap paidalanýǵa berýge deiingi barlyq kezeńdegi qurylys protsesin baqylaýǵa múmkindik beredi», - dedi ministr.
