QR Tsifrlyq damý, innovatsiialar jáne aeroǵarysh ónerkásibi ministrliginiń «Azamattarǵa arnalǵan úkimet» memlekettik korporatsiiasy turǵyn úi ielerine tirkelgen azamattar men tirkeýden shyǵarylǵan turǵyndar týraly SMS-habarlamalar joldaityn jańa servisti engizdi, dep habarlaidy QazAqparat.
Endi azamattar HQO arqyly tirkelgen kezde turǵyn úi iesi óz telefonyna tirkelgen adamnyń derekteri kórsetilgen habarlama alady. Eger baspana iesi úiinde turatyn adamdy tirkeýden shyǵarǵysy kelse, ekinshi tarapqa da tirkeýden shyǵarylǵany týraly habarlama barady.
«Qazaqstandyqtar maǵan úilerinde beitanys adamdardyń tirkelgeni týraly jii jazyp jatady. Atalǵan jańa servis bul máseleni sheshýi tiis. Eger bireý sizdiń qatysýyńyzsyz HQO arqyly úiińizge bógde adamdy tirkeýge tyryssa, siz bul týraly SMS-habarlama arqyly birden bile alasyz. Servis aqyly túrde tirkeýdi usynatyn deldaldarǵa qarsy kúreste kómektesedi», – dedi QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
«Azamattarǵa arnalǵan úkimet» memlekettik korporatsiiasy azamattarǵa turǵylyqty tirkeý qyzmetin 2019 jyldan beri kórsetip keledi. Buǵan deiin onymen HQO-da ornalasqan kóshi-qon qyzmetiniń mamandary ainalysqan bolatyn.
Azamattardy turǵylyqty jeri boiynsha eGov portaly arqyly da onlain tirkeýge nemese tirkeýden shyǵarýǵa bolady. Ol úshin turǵyn úi iesi men tirkelgen adamnyń elektrondyq tsifrlyq qoltańbasy (ETsQ) bolýy kerek.
