قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ «ازاماتتارعا ارنالعان ٷكٸمەت» مەملەكەتتٸك كورپوراتسيياسى تۇرعىن ٷي يەلەرٸنە تٸركەلگەن ازاماتتار مەن تٸركەۋدەن شىعارىلعان تۇرعىندار تۋرالى SMS-حابارلامالار جولدايتىن جاڭا سەرۆيستٸ ەنگٸزدٸ, دەپ حابارلايدى قازاقپارات.
ەندٸ ازاماتتار حقو ارقىلى تٸركەلگەن كەزدە تۇرعىن ٷي يەسٸ ٶز تەلەفونىنا تٸركەلگەن ادامنىڭ دەرەكتەرٸ كٶرسەتٸلگەن حابارلاما الادى. ەگەر باسپانا يەسٸ ٷيٸندە تۇراتىن ادامدى تٸركەۋدەن شىعارعىسى كەلسە, ەكٸنشٸ تاراپقا دا تٸركەۋدەن شىعارىلعانى تۋرالى حابارلاما بارادى.
«قازاقستاندىقتار ماعان ٷيلەرٸندە بەيتانىس ادامداردىڭ تٸركەلگەنٸ تۋرالى جيٸ جازىپ جاتادى. اتالعان جاڭا سەرۆيس بۇل مەسەلەنٸ شەشۋٸ تيٸس. ەگەر بٸرەۋ سٸزدٸڭ قاتىسۋىڭىزسىز حقو ارقىلى ٷيٸڭٸزگە بٶگدە ادامدى تٸركەۋگە تىرىسسا, سٸز بۇل تۋرالى SMS-حابارلاما ارقىلى بٸردەن بٸلە الاسىز. سەرۆيس اقىلى تٷردە تٸركەۋدٸ ۇسىناتىن دەلدالدارعا قارسى كٷرەستە كٶمەكتەسەدٸ», – دەدٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين.
«ازاماتتارعا ارنالعان ٷكٸمەت» مەملەكەتتٸك كورپوراتسيياسى ازاماتتارعا تۇرعىلىقتى تٸركەۋ قىزمەتٸن 2019 جىلدان بەرٸ كٶرسەتٸپ كەلەدٸ. بۇعان دەيٸن ونىمەن حقو-دا ورنالاسقان كٶشٸ-قون قىزمەتٸنٸڭ ماماندارى اينالىسقان بولاتىن.
ازاماتتاردى تۇرعىلىقتى جەرٸ بويىنشا eGov پورتالى ارقىلى دا ونلاين تٸركەۋگە نەمەسە تٸركەۋدەن شىعارۋعا بولادى. ول ٷشٸن تۇرعىن ٷي يەسٸ مەن تٸركەلگەن ادامنىڭ ەلەكتروندىق تسيفرلىق قولتاڭباسى (ەتسق) بولۋى كەرەك.
