Elimizdiń 4 qalasynda tólqujatty bir kúnniń ishinde alýǵa jaǵdai jasaldy. Bul jaiynda búgin Úkimettiń selektorlyq rejimdegi otyrysynda Premer-Ministr Baqytjan Saǵyntaev aitty, dep habarlaidy Ult.kz tilshisi QazAqparat agenttigine silteme jasap.
«Biz tólqujat berý jaiynda sóz qozǵadyq. Bizde tólqujat basyp shyǵaratyn sáikesinshe kásiporyndar 4 qalada, atap aitqanda Astana, Almaty, Aqtóbe, Shymkentte bar. Biraq, ókinishke orai tipti bul qalalardyń ózinde tólqujat alý úshin úsh kún kútý qajet. Alaida aqshaǵa bir kúnniń ishinde jasaýǵa múmkindik bar. Sondyqtan biz atalǵan kásiporyndar ornalasqan 4 qalada tólqujattardy bir kúnniń ishinde berý týraly sheshim qabyldadyq», - dedi Úkimet basshysy.
Sonymen qatar ol Astana, Almaty, Aqtóbe jáne Shymkent qalalaryndaǵy kásiporyndardan tólqujat jasatý merziminiń de aitarlyqtai qysqartylǵanyn basa aitty.
«Osy qalalarǵa bekitilgen ózge qalalarda buǵan deiin tólqujat berý 2 aptaǵa sozylatyn bolsa, endigi ýaqytta qujat berý 1 aptanyń ishinde bitetin bolady», - dedi Saǵyntaev.
