QR DSM sanitarlyq-epidemiologiialyq baqylaý komiteti tóraǵasynyń orynbasary Nurlybek Asylbekov Qazaqstan halqyn tegin maskamen qamtamasyz etý múmkindigi týraly suraqqa jaýap berdi, dep habarlaidy "Ult aqparat".
«Antiseptik pen maska máselesine toqtalsaq, bul turǵyda anyq kózqaras bolýy kerek. Sebebi kez kelgen eldiń biýdjetine eleýli júkteme túsip jatyr, iaǵni koronavirýsqa, álemdik ekonomikanyń quldyraýy, karantin, oqshaýlanýǵa bailanysty shyǵystar deńgeii artty», - dedi N. Asylbekov Ortalyq kommýnikatsiialar qyzmetinde.
Osy oraida ol tegin qamtamasyz etý máselesi joǵary deńgeide pysyqtalatynyn, elmizdiń biýdjeti múmkindigine qarai osy taqyryp qaralatynyn atap ótti.
«Biz únemi áleýmettik turǵyda álsiz toptardy qamtamasyz etýge mán berip kelemiz. Alaida elimizdiń barlyq azamattaryn antiseptiktermen jáne basqa zattarmen (tegin) qamtamasyz etý jeńil shara emes dep oilaimyn», -dedi N. Asylbekov.
