Aǵymdaǵy jyly qazaqstandyqtar tegin dári-dármekti ýaqytyly alýy kerek. Bul týraly Densaýlyq saqtaý ministri Erjan Birtanov málimdedi, - dep habarlaidy Tengrinews.kz tilshisi.
"Dári-dármekpen qamtamasyz etýdiń barlyq kezeńi avtomattandyrylyp jatyr. Qazir túgel derlik emhana qaǵazsyz jumys isteýge kóshken, iaǵni, árbir dárigerge qaralý elektrondy júie boiynsha tirkeledi. (...)", - dedi Birtanov dári-dármek satyp alýǵa arnalǵan veb-portaldyń tusaýkeserinde.
"Avtomattandyrylǵan rejimde elektrondy satyp alýdy júzege asyrý josparlanyp jatyr. Biz SK "Farmatsiia" arqyly barlyq deńgeide qaldyqty kórip otyramyz. Bul aqparat emhanada retsept jazý jáne berýmen sinhrondalady. Munda taǵy bir eskertý bar. Biz bólingen jáne qalǵan dári-dármekterdi kóre alamyz. Sonymen qatar, keri bailanys ornatamyz, naýqas alǵan nársesin sms nemese mobildi qosymsha arqyly rastai alady", - dedi ministr.
Onyń aitýynsha, veb-portalda qalǵan dárilerdiń naqty sany kórsetiledi.
"SK "Farmatsiia" onlain rejimde qalǵan dári-dármekti kórip jáne qajet bolǵan jaǵdaida qaita satyp alyp, aimaqtarǵa taratyp otyrady. Jyl sońyna deiin synaq nusqasyn jetildirip, kelesi jyly kóptegen qiyndyq sheshiledi dep úmittenemin. Birinshi kezekte halyq ýaqytyly dárimen qamtamasyz etilýi kerek", - dedi Birtanov.
