Qazaqstan otbasylary tabystarynyń 50 paiyzyn azyq-túlikke, onyń ishinde 46 paiyzyn tamaq satyp alýǵa jumsaidy, dep habarlaidy QazAqparat.
Finprom.kz portalynyń málimetinshe, elimizde úi sharýashylyǵyndaǵy shyǵystar bir jyldyń ishinde 17 paiyzǵa artyp, al kiris tek 16 paiyzǵa ǵana kóterilgen.
Jyl ishinde Qazaqstandaǵy úi sharýashylyqtarynyń aqshalai kiristeri 15,5 paiyzǵa ósip, osy jyldyń 1-toqsanynda bir úi sharýashylyǵyna shaqqanda ortasha eseppen 777,8 myń teńgeni qurady. Al úi sharýashylyǵyna jumsalatyn shyǵyn 17 paiyzǵa ulǵaiyp, 754,6 myń teńgege jetti.
úi sharýashylyǵyna jumsalatyn shyǵyn kiriske qaraǵanda bir jyldyń ishinde 95,8 paiyzdan 97 paiyzǵa deiin ósti. Iaǵni, kiristiń 97 paiyzy tutynýshylyq shyǵystarǵa, týǵan-týystar men tanystarǵa materialdyq kómek kórsetýge, aliment, sonymen qatar salyq jáne ózge de tólemderge jumsalǵan.
Qazaqstannyń óńirleri arasynda 2022 jyldyń 1-toqsanyndaǵy eń joǵary shyǵystar Almaty qalasynyń úi sharýashylyqtarynda (935,9 myń teńge) baiqalady. Odan keiingi orynda Qyzylorda (881 myń teńge) men Qaraǵandy (862,3 myń teńge) tur.
Elimizdiń úsh óńirinde, atap aitqanda Túrkistan (15 paiyzǵa), Almaty (14,8) oblystary men Almaty qalasynda úi sharýashylyǵynyń shyǵystary kiristen asyp ketken.
2022 jyldyń 1-toqsanynda úi sharýashylyǵyndaǵy shyǵystardyń qurylymynda tutynýshylyq shyǵystar 92 paiyzdy qurady: 693,2 myń teńge. Onyń ishinde 377,4 myń teńge azyq-túlik, 182,6 myń teńge azyq-túlik emes taýarlar satyp alýǵa jumsalyp, 133,1 myń teńge aqyly qyzmetterge shyǵyndaldy. Sonymen ózge shyǵystar 25,5 paiyzǵa artty. Biraq, oratash eseppen alǵanda bir úi sharýashylyǵyna 61,4 myń teńgeni ǵana qurady.
Úi sharýashylyǵy shyǵystarynyń basym bóligi azyq-túlik pen alkogolsyz sýsyndar satyp alýǵa jumsalady: 349,2 myń teńge. Bul barlyq shyǵystardyń 46,3 paiyzyn jáne azyq-túlik taýlarlaryn alýǵa arnalǵan shyǵystardyń 92,5 paiyzyna teń.
