قازاقستان وتباسىلارى تابىستارىنىڭ 50 پايىزىن ازىق-تٷلٸككە, ونىڭ ٸشٸندە 46 پايىزىن تاماق ساتىپ الۋعا جۇمسايدى, دەپ حابارلايدى قازاقپارات.
Finprom.kz پورتالىنىڭ مەلٸمەتٸنشە, ەلٸمٸزدە ٷي شارۋاشىلىعىنداعى شىعىستار بٸر جىلدىڭ ٸشٸندە 17 پايىزعا ارتىپ, ال كٸرٸس تەك 16 پايىزعا عانا كٶتەرٸلگەن.
جىل ٸشٸندە قازاقستانداعى ٷي شارۋاشىلىقتارىنىڭ اقشالاي كٸرٸستەرٸ 15,5 پايىزعا ٶسٸپ, وسى جىلدىڭ 1-توقسانىندا بٸر ٷي شارۋاشىلىعىنا شاققاندا ورتاشا ەسەپپەن 777,8 مىڭ تەڭگەنٸ قۇرادى. ال ٷي شارۋاشىلىعىنا جۇمسالاتىن شىعىن 17 پايىزعا ۇلعايىپ, 754,6 مىڭ تەڭگەگە جەتتٸ.
ٷي شارۋاشىلىعىنا جۇمسالاتىن شىعىن كٸرٸسكە قاراعاندا بٸر جىلدىڭ ٸشٸندە 95,8 پايىزدان 97 پايىزعا دەيٸن ٶستٸ. ياعني, كٸرٸستٸڭ 97 پايىزى تۇتىنۋشىلىق شىعىستارعا, تۋعان-تۋىستار مەن تانىستارعا ماتەريالدىق كٶمەك كٶرسەتۋگە, اليمەنت, سونىمەن قاتار سالىق جەنە ٶزگە دە تٶلەمدەرگە جۇمسالعان.
قازاقستاننىڭ ٶڭٸرلەرٸ اراسىندا 2022 جىلدىڭ 1-توقسانىنداعى ەڭ جوعارى شىعىستار الماتى قالاسىنىڭ ٷي شارۋاشىلىقتارىندا (935,9 مىڭ تەڭگە) بايقالادى. ودان كەيٸنگٸ ورىندا قىزىلوردا (881 مىڭ تەڭگە) مەن قاراعاندى (862,3 مىڭ تەڭگە) تۇر.
ەلٸمٸزدٸڭ ٷش ٶڭٸرٸندە, اتاپ ايتقاندا تٷركٸستان (15 پايىزعا), الماتى (14,8) وبلىستارى مەن الماتى قالاسىندا ٷي شارۋاشىلىعىنىڭ شىعىستارى كٸرٸستەن اسىپ كەتكەن.
2022 جىلدىڭ 1-توقسانىندا ٷي شارۋاشىلىعىنداعى شىعىستاردىڭ قۇرىلىمىندا تۇتىنۋشىلىق شىعىستار 92 پايىزدى قۇرادى: 693,2 مىڭ تەڭگە. ونىڭ ٸشٸندە 377,4 مىڭ تەڭگە ازىق-تٷلٸك, 182,6 مىڭ تەڭگە ازىق-تٷلٸك ەمەس تاۋارلار ساتىپ الۋعا جۇمسالىپ, 133,1 مىڭ تەڭگە اقىلى قىزمەتتەرگە شىعىندالدى. سونىمەن ٶزگە شىعىستار 25,5 پايىزعا ارتتى. بٸراق, وراتاش ەسەپپەن العاندا بٸر ٷي شارۋاشىلىعىنا 61,4 مىڭ تەڭگەنٸ عانا قۇرادى.
ٷي شارۋاشىلىعى شىعىستارىنىڭ باسىم بٶلٸگٸ ازىق-تٷلٸك پەن الكوگولسىز سۋسىندار ساتىپ الۋعا جۇمسالادى: 349,2 مىڭ تەڭگە. بۇل بارلىق شىعىستاردىڭ 46,3 پايىزىن جەنە ازىق-تٷلٸك تاۋلارلارىن الۋعا ارنالعان شىعىستاردىڭ 92,5 پايىزىنا تەڭ.
